Articles

പോണ്‍ സൈറ്റുകള്‍ സന്ദര്‍ശിക്കുന്നവരുടെ എണ്ണത്തില്‍ ഇന്ത്യ മൂന്നാമത്. ലോകത്തെ പോണ്‍ സൈറ്റായ പോണ്‍ഹബ്ബ് നടത്തിയ സര്‍വ്വേയിലാണ്  വെളിപ്പെടുത്തല്‍. പുരഷന്മാരെപ്പോലെ തന്നെ പോണ്‍സൈറ്റ് സന്ദര്‍ശിക്കുന്ന സ്ത്രീകളുടെ എണ്ണത്തിലും വര്‍ദ്ധനവ് ഉണ്ടായതായി സര്‍വ്വേ പറയുന്നു. പോണ്‍ സൈറ്റ് സന്ദര്‍ശിക്കുന്നവരില്‍ അമേരിക്കയും ഇംഗ്ലണ്ടുമാണ് ഇന്ത്യക്ക് മുന്നില്‍. 2014ല്‍ മൂന്നാം സ്ഥാനത്തായിരുന്ന കാനഡയെ പിന്തള്ളിയാണ് 2015ലെ കണക്കെടുക്കുമ്പോള്‍ ഇന്ത്യ മുന്നിലായിരിക്കുന്നത്.

പോണ്‍ സൈറ്റുകള്‍ സന്ദര്‍ശിക്കുന്ന ഇന്ത്യക്കാരുടെ കണക്കെടുത്താല്‍ ശരാശരി 9 മിനിറ്റ് 30 സെക്കന്റ് വരെയാണ് ഒരാള്‍ സൈറ്റില്‍ നില്‍ക്കുന്നത്. സൈറ്റ് സന്ദര്‍ശിക്കുന്ന സ്ത്രീകളുടെ എണ്ണമെടുത്താലും ലോകത്ത് മൂന്നാം സ്ഥാനത്ത് ഇന്ത്യയാണ്.

കൈപ്പയ്ക്ക (പപ്പായ) മുളകു പൊതിഞ്ഞിട്ടത്

നമ്മുടെ നാട്ടിന്‍ പുറങ്ങളില്‍ പപ്പായയ്ക്ക് പല പേരുകള്‍ ആണ്. ഓമക്കായ, കുര്‍മൂസ്, കപ്പളങ്ങ, കപ്പങ്ങ, പപ്പയ്ക്ക, കൊപ്പക്കായ എന്നിങ്ങനെ. നമ്മള്‍ ഒരു പരിചരണവും നല്‍കാതെ തന്നെ നമ്മുടെ വീട്ടുവളപ്പില്‍ സുലഭമായി ലഭിക്കുന്നതുകൊണ്ടായിരിക്കാം നമ്മള്‍ പപ്പായയ്ക്ക് അധികം പരിഗണന നല്‍കാത്തത്. പഴമായിട്ടായാലും പച്ചക്ക് ആയാലും വളരെ അധികം പോഷക ഗുണ സമ്പന്നം ആണിത്.

ആവശ്യമുള്ള സാധനങ്ങള്‍:

ഇടത്തരം വലുപ്പമുള്ള പപ്പായ - ഒന്ന്

ചേമ്പ്  - ചെറുതാണെങ്കില്‍ 56. (വലുപ്പമനുസരിച്ച് എണ്ണം കൂട്ടുകയോ കുറയ്ക്കുകയോ ചെയ്യുക.)

കാന്താരിമുളക് - ആവശ്യത്തിന്.

ഒരു ചെറിയ കഷ്ണം വാഴയില 

മഞ്ഞള്‍പ്പൊടി, ഉപ്പ്, കറിവേപ്പില, വെളിച്ചെണ്ണ.

ഉണ്ടാക്കുന്ന വിധം:

ചേമ്പ് തൊലി കളഞ്ഞ് കുറച്ചു വലുപ്പമുള്ള കഷ്ണങ്ങളാക്കുക. കപ്പയ്ക്കയും തൊലി കളഞ്ഞ് കഷ്ണങ്ങളാക്കിവച്ച ശേഷം, വാഴയില ഒന്നു ചെറുതായി വാട്ടിയെടുത്ത് അതില്‍ കാന്താരി മുളക് (കിട്ടാനില്ലെങ്കില്‍ പച്ചമുളക് ഉപയോഗിക്കാം) വച്ച് ഒരു ചെറിയ പൊതിയായി പൊതിഞ്ഞെടുത്ത് വാഴനാരുകൊണ്ട് കെട്ടുക. കഷ്ണങ്ങളുടെ കൂടെ ഈ പൊതിയും, ആവശ്യത്തിന് മഞ്ഞള്‍പ്പൊടിയും, ഉപ്പും ഇട്ട് വെള്ളവും ചേര്‍ത്ത് വേവിക്കുക. (കുക്കറിലാണ് വേവിക്കുന്നതെങ്കില്‍ വേവ് അധികമാവാതെ ശ്രദ്ധിക്കണം. അല്ലെങ്കില്‍ ചേമ്പ് വെന്തു കലങ്ങിപ്പോവും). വെന്തുകഴിഞ്ഞാല്‍ ഇലപ്പൊതി തുറന്ന് മുളക് നന്നായി ഉടച്ച് കൂട്ടാനില്‍ ചേര്‍ക്കുക. (ഇനി ഇല കളയാം കേട്ടോ) ചേമ്പ് ഉടയാതെ കപ്പയ്ക്കാ കഷ്ണങ്ങള്‍ ഒന്ന് ഉടച്ചുയോജിപ്പിക്കുക. തീ അണച്ചശേഷം വെളിച്ചെണ്ണ ഒഴിച്ച് കറിവേപ്പില ഇട്ട് കുറച്ചുനേരം അടച്ചുവയ്ക്കുക.

സുനില്‍ എബ്രഹാം

വാവ സുരേഷ് ഇന്ന് കേരളത്തില്‍ അറിയപ്പെടുന്ന പാമ്പ് പിടുത്ത വീരന്‍. നാട്ടിന്‍ പുറത്തു നിന്നും വാവ പിടിച്ചു വനത്തില്‍ വിട്ട പാമ്പുകളുടെ എണ്ണം കൂടി. വനം വകുപ്പില്‍ കിട്ടിയ ജോലി പോലും വേണ്ടെന്നു വെച്ചു വാവ സുരേഷ് പാമ്പുകളുടെ തോഴന്‍ ആയി. തിരുവിതാംകൂറിലും, മധ്യതിരുവിതാംകൂറിലും ഉള്ളവര്‍ക്ക് വാവ കണ്‍കണ്ട ദൈവം. നാട്ടിന്‍ പുറത്തു പാമ്പുകളെ കണ്ടാല്‍ ഉടന്‍ വാവക്ക് വിളി എത്തും. പറഞ്ഞ സ്ഥലത്ത് എത്തി ഏതു കൊടിയ പാമ്പിനെയും പിടിച്ചു കാട്ടില്‍ വിട്ടാല്ലേ വാവയുടെ പണി തീരൂ.

സ്ഥലം തിരുവനന്തപുരം ജില്ലയില്‍, ശ്രീകാര്യവട്ടത്ത്. ഉരഗങ്ങളെ നന്നേ ചെറുപ്പം മുതല്‍ (12 വയസ്സ് മുതല്‍) കൈകാര്യം ചെയ്ത് പോന്ന സുരേഷിന് പാമ്പുകളെ കൈകാര്യം ചെയ്യുന്നതിന് ശാസ്ത്രീയമായ പരിശീലനമൊന്നും ലഭിച്ചിട്ടില്ല. ചെറുപ്പം മുതല്‍ തുടര്‍ന്ന് പോരുന്ന നിരീക്ഷണങ്ങളില്‍ നിന്നും ഉള്‍ക്കൊണ്ട പാഠങ്ങളാണ് ഇദ്ദേഹം പാമ്പുകളെ കൈകാര്യം ചെയ്യാന്‍ ഉപയോഗിക്കുന്നത്.

ഇത് വരെ ഏകദേശം 300 പ്രാവശ്യത്തോളം പാമ്പിന്റെ കടിയേറ്റിട്ടുണ്ട്. എങ്കിലും പത്ത് തവണ മാത്രമേ ചികിത്സക്ക് വേണ്ടി മെഡിക്കല്‍ കോളേജില്‍ പ്രവേശിക്കേണ്ടി വന്നിട്ടുള്ളൂ: പാമ്പുകളെ കണ്ടാല്‍ ഫോണ്‍ വിളിച്ച് പറഞ്ഞാലുടന്‍ തന്നെ വാവ സുരേഷ് സ്ഥലത്തെത്തി പാമ്പിനെ പിടികൂടും. ഇതുവരെ ഏകദേശം 4200 ന് മുകളില്‍ പാമ്പുകളെ പിടികൂടി...

ഇതില്‍ 3000ത്തിന് മുകളില്‍ മൂര്‍ക്കന്‍ പാമ്പുകളും, 74 രാജ വെമ്പാലയും ഉള്‍പ്പെടുന്നു. ഇങ്ങനെ പിടി കൂടുന്ന പാമ്പിനെ പിന്നീട് വനത്തില്‍ തുറന്ന് വിടുകയാണ് പതിവ്. ഭൂമുഖത്തെ പാവം ജീവികള്‍ പാമ്പുകള്‍ എന്ന് വാവ പറയും. സ്വയരക്ഷക്ക് വേണ്ടിയേ പാമ്പ് കടിക്കൂ. വാവയും പാമ്പും തമ്മില്‍ വര്‍ഷങ്ങളുടെ ബന്ധം. എവിടെ പാമ്പുകളെ കാണുന്നോ അപ്പോള്‍ മുതല്‍ വാവക്ക് ജോലി കൂടും. ദിനവും പത്തു സ്ഥലത്ത് നിന്ന് എങ്കിലും വാവക്ക് വിളി വരും. എല്ലായിടവും എത്തി പാമ്പിനെ പിടിച്ചു കാട്ടില്‍ അയക്കുന്ന വാവ പാമ്പുകളെ പറ്റി ഒരു പുസ്തകവും രചിച്ചു.